D70oooM عضو جديد
عدد المساهمات : 16 تاريخ التسجيل : 25/01/2010
| موضوع: لمــن يحتـــآج ان يبكــــي .... ( يمــه مريولـــي توصــخُ ) السبت يناير 30, 2010 10:20 pm | |
| يـــمـــه ..تكفين اسمعيني ...يمـه بسألك شي .. جاوبيني .. هو صحيح اللي مات داخل القبر يصير حي ...؟؟؟ يــمـــه ...أسمع أنــا صوتك .. كل يوم أسمعه .. واذا حاكيتك هاوشوني .. قالوا إنسي .. روحي يالله إلعبي .... !!
يمه تعالي إرجعي ... والله خلاص بسمع كلامك .. ما أخرب ألعابي .. وان قلتي يالله .. روحي نامي .. أروح حتى ماتزعلي .. يمه تكفين أرجعي ..
اليوم حطت لي المديرة’.. نجمة من فوق جبهتي .. يمه سمعتها تقول.. مسكينة هالبنت صارت يتيمة .. قالت لها أبله منيره .. مسكينة توها صغيرة.. وش كانوا يقصدون ..؟ يمكن عشاني صرت عاقلة .. ولا عشاني دايم أسرح؟
يمه مريولي توسخ .. ماكان قصدي أوسخه ... بس تذكرت إنك تقولي .. بعد شهرين.. بشتري لك لبس ثاني .. يمـه تعالي إشتري ...
يمـه عرفتي مها ..؟ صديقتي اللي معي ..زاعلتني .. تقول ماصرت أنا أضحّـكها راحت تدور غيري عشان تلقى أحد يونسهـا
يــمــه،، يالله خلاص لاتمزحي يالله قومي تعالي معي للبيت أرجعي،،
يمه يمممه نسيت شي .. بقولك ترى بيتنا صار فاضي .. ماحد يجينا .. وكل اللي فيه أنا واخواني .. ليه وين اقاربنا ..؟؟ وين خالتي ..اللي كانت تجينا ...؟
يمممه قوومي يالله تعالي .. تكفين يالله تعالي .. ماودي أرجع لحالي والله خايفة .. ترى أمس جيتك ..مارديتي .. حسبتك نــايمة .. أو أقولك .. خلاص خلاص .. أنا بجيك بكرى .. إذا راحوا من هنا الناس .. تكفين يمه بكرى أصحي .. تكفين يمه بكرى أرجعي .. | |
|
اللورد خلودي ـ( مؤسس وصاحب المنتدى )ـ
عدد المساهمات : 129 تاريخ الميلاد : 25/04/1985 تاريخ التسجيل : 27/12/2009 العمر : 39
| موضوع: رد: لمــن يحتـــآج ان يبكــــي .... ( يمــه مريولـــي توصــخُ ) الإثنين فبراير 01, 2010 8:53 pm | |
| دائماً مبدع أخوـوـوي دحوـوـوم ،، ومشاركاتك تثير الفضول لقرائتها كامله تقبل مروـوـوري ،،،، ودمــت بوـوـود وكمــا توـوـود
عدل سابقا من قبل اللورد خلودي في الأحد فبراير 07, 2010 1:06 am عدل 1 مرات | |
|
الخيال العذب ـ( المدير العام )ـ
عدد المساهمات : 236 تاريخ التسجيل : 01/02/2010
| موضوع: رد: لمــن يحتـــآج ان يبكــــي .... ( يمــه مريولـــي توصــخُ ) الجمعة فبراير 05, 2010 8:47 am | |
| يشع الابداع في حبر قلمك وأنتثر التميز بين جدائل سطورك روعه وجمال تفرد بها حرفك راقت لي دررك المذهبه | |
|